Türkmenabatdaky hünär-tehniki mekdebinde Magtymguly Pyraga bagyşlanan agşam guraldy
Türkmenabat şäher häkimliginiň Türkmenistanyň Gahrymany Gurbansoltan eje adyndaky 1-nji hünär-tehniki okuw mekdebinde akyldar şahyrymyz Magtymguly Pyragynyň doglan gününiň 300 ýyllygyna bagyşlanyp «Arzuwlan döwrüň geldi, Pyragy!» diýen at bilen edebiýat agşamy guraldy.
Oňa jemgyýetçilik guramalarynyň wekilleri, welaýat merkezimizdäki orta hünär okuw mekdepleriniň mugallymlary we talyplary gatnaşdylar. Çäräniň dowamynda talyp ýaşlar Gündogaryň beýik akyldary Magtymguly Pyragynyň döredijiligine bagyşlanan sahna oýunlaryny görkezdiler.
Talyplaryň çeper okaýyşlary we şahyryň sözlerine döredilen aýdymlary ýerine ýetirişleri edebiýat agşamyna gatnaşyjylarda ýakymly täsir galdyrdy.
