Seýdiniň çörek kärhanasynda ynsan saglygyna bagyşlanan duşuşyk geçirildi
Dänew etrabynyň Seýdi şäher çörek kärhanasynda «Saglygym — baş baýlygym» diýen at bilen wagyz-nesihat duşuşygy geçirildi. Oňa kärdeşler arkalaşygynyň ilkinji guramalarynyň agzalary, şäheriň saglygy goraýyş edaralarynyň hem-de arassaçylyk we keselleriň ýaýramagyna garşy göreşmek gullugynyň lukmanlary gatnaşdylar.
Duşuşygyň dowamynda ilatyň ýokary hilli azyk önümleri bilen bolelin üpjün edilişi, önümçilik kärhanalarynyň iş depgininiň ýylsaýyn ýokarlanýandygy dogrusynda buýsançly çykyşlar edildi. Lukmanlar ynsan saglygyny goramakda ýokumlara baý, tebigy önümleriň ähmiýetine, önümçilik kärhanalarynda arassaçylyk kadalarynyň berjaý edilmeginiň möhümdigine aýratyn üns çekdiler.
