JEMGYÝET

Türkmenabat şäherinde taksileriň sany köpeldi  

Türkmenabat şäherinde taksileriň sany segsen bäşe çenli köpeldi. «Lebapawtoulag» önümçilik birleşigine hut şonça ýeňil maşyn gelip gowuşdy.

Onuň 45-si dünýä belli ýapon öndürijisiniň «Toyota Corolla» kysymly, 40-sy bolsa Günorta Koreýanyň kompaniýasynyň «Hyundai Elantra» kysymly maşynlarydyr. Olar ýokary amatlylyklary we tygşytlylygy bilen tapawutlanýarlar we şäher şertlerinde ýolagçylar hyzmat etmek üçin oňaýly hasaplanylýarlar. Önümçilik birleşiginiň taksileriň üstüniň ýetirilmegi gatnadylýan ýolagçylarynyň sanyny artdyrar, şäheriň we onuň ýakynyndaky ilatly ýerleriň ýaşaýjylary bolsa barmaly ýerine barmak üçin täze mümkinçilikleri alarlar.

Ähli maşynlaryň işine geçen ýyl ulanylmaga tabşyrylan halkara awtomenzilde badalga berildi. Däbe görä, il sylagly ýaşulular we kümüş saçly eneler ulaglaryň işe girizilmegine ak pata berdiler.

Maşynlaryň gelip gowuşmagy bilen 170 sany täze iş orunlary peýda boldy.

Понравилась статья? Поделиться с друзьями: