Lebaply türgenler «Aziýanyň çagalary» ýaryşyna gatnaşýarlar
Türkmenabat şäherindäki 10-njy sport mekdebiniň woleýbolçylary şu günler Türkmenistanyň ýygyndy toparynyň düzüminde Russiýanyň Kuzbass sebitinde geçirilýän «Aziýanyň çagalary» atly II Gyşky sport oýunlaryna gatnaşýarlar.
Has takygy, olar bu ýaryşa garyň üstünde oýnalýan woleýbol boýunça gatnaşar. Bu görnüş boýunça ýaryşa mekdebiň türgenlerinden Şamuhammet Amandurdyýew, Furkat Şaripow, Sanjar Pälwanow we Şöhrat Allakow dagylar wekilçilik edýär. Olara Gurbandurdy Şükürow tälim berýär.
23-nji fewralda başlan oýunlar 5-nji marta çenli dowam eder. Oňa dünýäniň 13 ýurtdan 827 türgen gatnaşýar. Türkmenistanly türgenler garyň üstünde oýnalýan woleýboldan başga-da, figuralaýyn typmak we şort-trek boýunça ýaryşlara gatnaşar.
