Türkmen nakgaşlarynyň işleri «Turan romantizmi» albomyna girizildi
Türkmenistanly sungat işgärleriniň 25-siniň işleri iki tomluk «Turan romantizmi» albomyna girizildi. Neşirde çap edilen eserler 2022-nji ýylda Gazagystanda geçirilen onlaýn serginiň netijesinde saýlanylyp alyndy.
Oňa Türkmenistanyň, Gazagystanyň, Özbegistanyň, Azerbaýjanyň, Gruziýanyň, Germaniýanyň, Türkiýäniň we beýleki ýurtlaryň — jemi 30-dan gowrak ýurduň nakgaşlarynyň we heýkeltaraşlaryň eserleriniň 250-si girizildi. Türkmenistanly nakgaşlaryň we heýkeltaraşlaryň işlerinde türkmen halkynyň taryhy şekillendirilýär.
