Pagta ýygymyna gatnaşýanlar üçin konsert guraldy
Lebap welaýatynyň Kerki etrabynyň Astanababa şäherçe medeniýet öýüniň çeper höwesjeňleri şu günler gyzgalaňly dowam edýän pagta ýygymy möwsüminde daýhanlaryň armasyny ýetirmek maksady bilen aýdym-sazly çykyşlary guraýarlar, diýip, diýip «Türkmen gündogary» gazeti habar berýär.
Golaýda medeniýet öýünde guralan çärä etrabyň daýhan birleşikleriniň pagtaçy kärendeçileri, mülkdarlar, kombaýnçylar gatnaşdylar. Onda çeper höwesjeňleriň ýerine ýetirmeklerinde aýdym-sazlar belentden ýaňlandy. Çäre mahalynda wäşiler degişme çykyşlaryny görkezdiler. Şeýle-de etrabyň halk teatrynyň höwesjeň artistleri gysgajyk sahna oýunlary bilen çykyş etdiler.