«Akgaýa» hojalyk jemgyýetinde gurluşyk materiallary öndürilýär
«Akgaýa» hojalyk jemgyýetinde şu ýylyň geçen sekiz aýynda ýokary hilli gurluşyk garyndy serişdeleriniň 11 müň 640 tonnasy öndürildi.
Bulardan başga-da, Türkmenbaşy etrabynyň Akdaş şäherçesiniň golaýynda iş alyp barýan gurluşyk garyndy materiallaryny we gipskartonyny öndürýän bu kärhanada şol döwürde gipskartonynyň 337 müň inedördül metri taýýarlanyldy. Bu önümçiligiň aglaba böleginiň sarp edijilerden gelip gowşan sargytlar esasynda ýerine ýetirildi. Önümçilikde çig mallaryň agramly bölegi Akdaş şäherçesiniň golaýyndaky tebigy känlerden alynýar.
«Akgaýa» hojalyk jemgyýetinde «Kent» haryt nyşanly 10 we 20 kilogramlyk gaplara gaplanan suw esasly boýaglar hem öndürilýär. Taýýar önümler Russiýa, Azerbaýjana, Gazagystana hem eksport edilýär.
