Lebaply türgenler ― sport gimnastikasy boýunça Türkmenistanyň çempiony
Lebap welaýatynyň sport mekdeplerinde türgenleşýän dört türgen sport gimnastikasy boýunça Türkmenistanyň çempionatynda öňdäki orunlary eýeläp, halkara ýaryşlarda milli ýygyndymyzyň hatarynda çykyş etmäge hukuk gazandylar.
Ýaryş Aşgabat şäherindäki 13-nji sport mekdebinde geçirildi. Oňa paýtagtymyzdan we ähli welaýatlardan ýygnanan gimnastikaçylar gatnaşdy.
Çempionat iki ugur boýunça geçirildi. Olaryň birinjisi erkekleriň we zenanlaryň arasynda köpugurly ýaryş, ikinjisi ýörite snarýadly sport gimnastikasydyr.
Ýaryşlaryň netijesinde Lebap welaýatyndan G.Seýitberdiýewa, E.Suhanowa, M.Rozyýew, U.Alijanow dagylar ýaryşyň ýeňijileri bolup, halkara ýaryşlarda Türkmenistanyň sport abraýyny goramak hukugyna eýe boldular.
