Erkin göreş boýunça Lebap welaýatynyň çempionaty geçirildi
Türkmenabat şäheriniň 2-nji sport mekdebinde erkin göreş boýunça Lebap welaýatynyň çempionaty geçirildi. Oňa Türkmenabat şäherinden, Dänew, Çärjew, Farap we Saýat etraplaryndan pälwanlaryň 111-si gatnaşdy.
Onda erkekler 10 agram derejesinde, zenanlar 12 agram derejesinde öz aralarynda güýç synanyşdylar. Toparlaýyn hasap boýunça Türkmenabat şäheriniň pälwanlary birinji, Dänew etrabynyň topary ikinji we Saýat etrabynyň topary üçünji orny eýelediler.
Erkekleriň arasynda geçirilen ýaryşlarda Türkmenabat şäherinden Suleýman Jorakulyýew (57 kg), Atabaý Urunow (61 kg), Atamyrat Ruslanow (65 kg), Arzuw Ahmedow (97 kg), Saýat etrabyndan Rustam Nazarow (70 kg), Artur Kim (71 kg), Döwlet Mamedow (74 kg), Muhammet Rozykulyýew (125 kg), Dänew etrabyndan Atabek Pardaýew (86 kg), Maruf Ýunusjanow (92 kg) welaýatyň çempiony diýen ada mynasyp boldular,
Gyzlaryň arasynda Türkmenabat şäherinden Enejan Nurmamedowa (48 kg), Selbi Zakirowa (50 kg), Laçyn Amanmuradowa (53 kg), Leýli Ibragimowa (55 kg), Aýnura Tahyrowa (57 kg), Suraý Bakyýewa (69 kg), Näzik Bazarowa (72 kg), Gülnäz Bakyýewa (76 kg), Maksuda Egemberdiýewa (76 kg+), Dänew etrabyndan Çemengül Şeripowa (59 kg), Sabina Agajanowa (65 kg) we Çärjew etrabyndan Arzygül Toýmyradowa (62 kg) çempion boldular.
