Lebap welaýatynyň Seýitnazar Seýdi adyndaky döwlet sazly-drama teatrynyň sahnasynda — Çingiz Aýtmatowyň «Ak gämisi»
Lebap welaýatynyň Seýitnazar Seýdi adyndaky döwlet sazly-drama teatrynda meşhur gyrgyz ýazyjysy Çingiz Aýtmatowyň «Ak gämi» atly eseri esasynda adybir oýun sahnalaşdyrylýar.
Režissýor Perhat Hudaýberenowyň goýan sahna oýnunda dag obalarynyň birinde bolup geçýän durmuş wakalary beýan edilýär. Türkmenistanyň halk artisti Akjagül Suhanowa, artistler Aýgözel Röwşenowa, Batyr Ýazow, Dursun Taganowa, Aman Akyýew, Aýgözel Sahatowa, Ogulbossan Ýazjumaýewa, Aýna Rozyýewa dagy spektaklda esasy keşpleri ýerine ýetirýärler.
