Lebap welaýatynda pagta ýygymynda tehnikalaryň güýjüne daýanylýar
Lebap welaýatynda pagta ýygymynda welaýat boýunça kuwwatly kombaýnlaryň 200-e golaýy gatnaşdyrylýar. Olaryň güýji bilen soňky bir günde 1357 gektar meýdanyň hasyly ýygnaldy.
Bu görkeziji möwsümiň başyndan bäri 14,3 müň gektara golaý boldy. Möhüm işde Saýat, Kerki, Çärjew etraplarynyň tehniki hyzmat ediş kärhanalarynyň kombaýnçylary öňe saýlanýarlar. Gündogar welaýatdan Watan harmanyna şu güne çenli «ak altynyň» 80 müň tonna golaýy gelip gowuşdy. Gowaçalaryň ýapraklaryny düşürmek işleriniň geriminiň giňelmegi ýygyma gatnaşýan tehnikalaryň sanyny has artdyrmaga mümkinçilik berer. Şu möwsüme daşary ýurtlaryň ýokary öndürijilikli kombaýnlarynyň 308-si taýýar edildi.
