Halaç etrabyndaky Beýik Saparmyrat Türkmenbaşy adyndaky nah ýüplük egriji fabriginiň önümleri eksport edilýär
Halaç etrabyndaky Beýik Saparmyrat Türkmenbaşy adyndaky nah ýüplük egriji fabriginde günde 14-16 tonna nah ýüplük öndürilýär. Kärhananyň önümleri Türkmenistanyň dokma fabriklerine, şonuň ýaly-da Türkiýä, Eýrana, Polşa, Ermenistana, Russiýa ugradylýar. Fabrikde häzirki wagtda ýüplükleriň bäş görnüşi, ýagny, daşary ýurt döwletleriň isleglerine görä, 14/1, 17/1, 20/1, 27/1, 34/1 belgili nah ýüplükler öndürilýär Fabrik 2005-nji ýylyň maý aýynda ulanylmaga tabşyrylypdy. Şondan bäri hem bu ýerde öndürilen ýüplükler içerki bazarda hem, daşarky bazarda hem uly islegden peýdalanýar.
