Žoze Mourinýunyň Portugaliýanyň ýygyndy toparynyň tälimçisi bolmagy mümkin
«vesti.ru» saýtynda habar berilişine görä, Žoze Mourinýunyň Portugaliýanyň ýygyndy toparynyň baş tälimçisi Fernandu Santuşyň ýerine gelmegi mümkin. Bu barada Fernandu Santuş aýdypdyr.
«Ýewropa—2016» çempionatynda portugallylary ýeňşe ýetiren Fernandu Santuş milli topar bilen 2024-nji ýylyň tomsuna çenli işlemekçi. Santuş özüniň ýerinde Žoze Mourinýuny görmek isleýändigini beýan etdi. Onuň: «Häli oňa çenli wagt köp. Men Žoze Mourinýu ýygyndy topar üçin oňat tälimçi bolar diýip hasap edýärin» diýen sözlerini «Radio Renascenca» getirýär.
