Welaýat muzeýinde maslahat geçirildi
Welaýat Taryhy we ülkäni öwreniş muzeýinde ahalteke atçylyk sungatynyň we atlary bezemek däbiniň ÝUNESKO-nyň Adamzadyň maddy däl medeni mirasynyň sanawyna girizilmegi mynasybetli dabaraly maslahat geçirildi.
Uly ruhubelentlige beslenen çärä mirasgärler, kitaphanaçylar, muzeý işgärleri, şäherimizdäki orta hünär okuw mekdepleriniň mugallymlary we talyplary gatnaşdylar. Olar ýyndamlykda deňi-taýy bolmadyk gamyşgulak bedewlerimiziň hem-de olary bezemek, seýislemek däplerimiziň dünýäde uly meşhurlyga eýedigi barada giňişleýin gürrüň etdiler. Golaýda ahalteke atçylyk sungatynyň we atlary bezemek däbiniň ÝUNESKO-nyň Adamzadyň maddy däl medeni mirasynyň sanawyna girizilmegi hem munuň aýdyň subutnamasydyr diýlip çykyşlarda nygtaldy.
Maslahata gatnaşyjylar muzeýde guralan sergini hem synladylar.
