Üzüm ýygymyna badalga berildi
Lebap welaýatynyň Halaç etrabynyň S.A.Nyýazow adyndaky daýhan birleşiginiň üzümçi kärendeçileri her gün harmana 100 tonna ýetirip hasyl tabşyrýarlar.
Hojalykda üzüm ýygymyna 25-nji awgustda girişildi, bu möhüm oba hojalyk möwsümi sentýabr aýynyň ahyryna çenli dowam eder.
Ýeri gelende aýtsak, daýhan birleşigindäki üzüm baglary 320 gektara uzaýar. Olar ýedi toparda işleýän 400-e golaý kärendeçä paýlanyp berilipdir.
