UEFA 2020-nji ýylyň nusgalyk düzümini yglan etdi

Jan 23, 2021

Ýewropanyň futbol assosiasiýalarynyň birleşigi 2020-nji ýylyň iň gowy futbolçylaryndan ybarat nusgalyk düzümi kesgitledi. Düzümde Germaniýanyň «Bawariýa», Ispaniýanyň «Real», «Barselona», Angliýanyň «Liwerpul», «Mançester Siti», Italiýanyň «Ýuwentus», Fransiýanyň «Pari Sen-Žermen» toparlarynyň wekilleri bar.
UEFA geçen ýylyň iň gowy derwezeçisi hökmünde «Bawariýanyň» derwezeçisi Manuel Noýeri goýdy. Goragçylarda bolsa üç toparyň wekilleri bar. Olaryň ikisi «Bawariýa» wekilçilik edýär. Has takygy, UEFA nusgalyk düzümiň goragynda «Realdan» Serhio Ramosy, «Liwerpuldan» Wirjil wan Deýki ýerleşdiren bolsa, «Bawariýadan» Ýozua Kimmih bilen Alfonso Dewise orun berdi.
Ýarym goragçylaryň ikisi hem iňlis klublaryna wekilçilik edýär. Olar «Liwerpuldan» Týago Alkantara we «Mançester Sitiden» Kewin De Brýeýnedir.


Ýarym goragçylary azaldan UEFA oňa derek nusgalyk düzümde dört hüjümçi ýerleşdirdi. Elbetde, «Ýuwentusyň» portugaliýaly hüjümçisi Kriştianu Ronaldu we «Barselonanyň» argentinaly ýyldyzy Lionel Messiniň ýeri belli. Sanawda bulara PSŽ-den Neýmar bilen «Bawariýadan» Robert Lewondowski hem goşuldy.

Поделиться ссылкой:

Leave a Reply

Войти с помощью: