Türkmenistanda ulag we aragatnaşyk pudaklarynda hyzmat edilişiniň depgini ýokarlanýar
Türkmenistanyň Ministrler Kabinetiniň ýanyndaky Ulag we kommunikasiýalar agentligi boýunça geçen iki aýda ýerine ýetirilen işleriň we hyzmatlaryň ösüş depgini 122 göterime deň boldy. Bu barada Türkmenistanyň Ministrler Kabinetiniň 3-nji martdaky mejlisinde aýdyldy.
Awtomobil, demir ýol, howa, deňiz we derýa ulaglary arkaly ýük daşamagyň ösüş depgini 105,2 göterime, ýolagçy gatnatmagyň ösüş depgini bolsa 106,3 göterime barabar boldy.
Ýanwar-fewral aýlarynda «Türkmendemirýollary» agentligi boýunça hyzmatlary ýerine ýetirmegiň ösüş depgini 103,7, «Türkmenawtoulaglary» agentligi boýunça 128,5, «Türkmenhowaýollary» agentligi boýunça 289,6, «Türkmendeňizderýaýollary» agentligi boýunça 108,4, «Türkmenaragatnaşyk» agentligi boýunça 111 göterime deň boldy.
