Türkmenistan ilkinji gezek Bütindünýä mirasynyň şäherleri guramasynyň forumyna gatnaşdy
10-njy oktýabrda Koreýa Respublikasynyň Kýonju şäherinde Aziýa-Ýuwaş umman sebitinde Bütindünýä mirasynyň şäherleri guramasynyň dördünji forumy öz işine başlady.
ÝUNESKO-nyň Bütindünýä mirasynyň sanawyna girizilen şäherleriň mümkinçiliklerini ýokarlandyrmak üçin göze görnüp duran we maddy däl medeni mirasy ulanmak sebitleýin maslahatyň mowzugy boldy.
Gyrgyzystan, Özbegistan, Täjigistan, Indoneziýa, Eýran, Şri-Lanka, Wýetnam, Ýaponiýa ýaly Aziýa-Ýuwaş umman ýurtlarynyň wekillerini bir ýere jemlän bu çärä Türkmenistan ilkinji gezek gatnaşýar.
