Şu gün Türkmenabat şäheriniň 13-nji sport mekdebiniň küşt boýunça toparlaýyn açyk birinjiligi başlandy
Sportuň küşt we şaşka görnüşlerine ýöriteleşdirilen bu sport mekdebinde Täze ýyl baýramy mynasybetli geçirilýän ýaryşa ýaş küştçüleriň 72-si gatnaşýar. Olar toparlaryň 12-sine bölünip, özara bäsleşýärler. Açyk birinjilige welaýat merkeziniň, şeýle-de Dänew, Farap etraplarynyň ezber küştçüleri gatnaşýarlar. Olaryň arasynda dünýä, yklym, ýurt derejelerinde geçen bäsleşiklerde üstünlikli çykyş eden zehinli küştçüleriň birnäçesi bar. Gyzykly ýaryş ajaýyp baýramyň öňüsyrasynda ― 30-njy dekabrda tamamlanar.
