Saýat etrabynda täze mekdep ulanylmaga tabşyryldy
Lebap welaýatynyň Saýat etrabynyň Esgi geňeşliginiň Gyzylgaýa obasynda täze orta mekdep ulanylmaga tabşyryldy. 600 okuwça niýetlenen mekdebi «Ussat Tirkiş» hususy kärhanasynyň hünärmenleri gurdylar.
Bu hususy kärhananyň etrapda guran ikinji mekdebidir. Geçen okuw ýylynyň başynda hem 600 orunlyk bir mekdebi ulanmaga tabşyrypdylar. Täze gurlan mekdep okatmagyň multimediýa serişdeleri, interaktiw tagtalar, lingafonlar we beýleki enjamlar bilen üpjün edildi. Indi etrapda orta mekdepleriň sany 40-a ýetdi.
