Sakardaky dabara ýylyň şygaryna bagyşlandy
2024-nji ýylyň «Pähim-paýhas ummany Magtymguly Pyragy» ýyly diýlip yglan edilmegi mynasybetli Saýat etrabynyň Sakar şäher medeniýet öýünde dabaraly maslahat geçirildi.
Oňa Türkmenistanyň Hormatly il ýaşululary, kärdeşler arkalaşyklarynyň işjeň agzalary, bilim, medeniýet we saglygy goraýyş ulgamlarynyň işgärleri gatnaşdylar.
«Magtymguly Pyragy, adyň dillerde dessan!» diýen at bilen geçirilen maslahatda edilen çykyşlarda çeper döredijiligi bilen dünýä edebiýatynyň altyn hazynasynda aýratyn orun alan nusgawy şahyrymyzyň şygyrlaryny, golýazmalaryny öwrenmekde we olaryň ähmiýetini artdyrmakda berkarar döwletimizde alnyp barylýan işler dogrusynda nygtaldy.
Etrabyň aýdymçy-sazandalary özleriniň joşgunly çykyşlarynda döwrüň şygaryny wasp etdiler.
