Pyragynynyň şygyrlaryny sarpalap…
Golaýda biziň mekdebimizde Magtymguly Pyragynyň doglan gününiň 300 ýyllygy mynasybetli Magtymguly – köňülleriň şamçyragy” diýen at bilen edebiýat hepdeligi geçirildi. Hepdeligiň dowamynda aýdym-sazly agşamlar, göreldeli sapaklar, bäsleşikler guraldy. Zehinli okuwçylar Magtymguly Pyragynyň goşgylaryny ýatdan aýtmakda öz ukyp-başarnyklaryny ýüze çykardylar.
Akyldar şahyryň şygyr setirlerindäki temalar boýunça guralan bäsleşikde okuwçylar döredijilik ukyplaryny ýüze çykardylar. Edepli, ekramly gözelleri taryp eden akyldar şahyryň goşgularynda waspy ýetirilen gyzlar saça timar bermekde öz başarnyklaryny görkezdiler. ‘’Magtymguly we halk döredijiligi’’ diýen temada sahnalaşdyrylan edebi agşamda ýerine ýetirilen çykyşlarda halkymyzyň milli gymmatlyklary däp-dessurlary beýan edildi.
‘’Çyn bedewler meýdanynda bellidir’’ diýen temada maketleri we şekilleri ýasamak boýunça guralan bäsleşikde okuwçylaryň döredijilik ukyplary ýüze çykaryldy.
Zergär şahyryň kesbini dowam edýän okuwçylar şaý-sepleri ýasamakda özara bäsleşdiler. Bu çäre ýaş nesilleriň arasynda Magtymguly Pyragynyň döredijiligine hormaty ösdürmekde we çagalaryä ukyplaryny ýüze çykarmakda uly ähmiňete eýe boldy.
Rana Hasanowa,
Çärjew etrabyndaky ýöriteleşdirilen 39-njy orta mekdebiň türkmen dili we edebiýaty mugallymy.
