Bagtyýar ýaşlaryň ýürek owazy
Berkarar döwletimiziň täze eýýamynyň galkynyşy döwründe, Arkadag Serdarly bagtyýar ýaşlar ýylynda hormatly Prezidentimiziň baştutanlygynda ýurdumyzda ylymly-bilimli, kämil, watansöýüji, maksada okgunly talyp ýaşlara uly ynam bildirip, olaryň geljekde öz kärine ökde bilimli hünärmenler bolup ýetişmekleri, sungatyň dürli görnüşlerinden zehinli sazandalaryň professional derejesini ýokarlandyrmaklygy we olaryň ýerine ýetirijilik ukuplaryny baýlaşdyrmagy hem-de has zehinli ýaşlary ýüze çykarmak maksady bilen gözel paýtagtymyzda ýerleşýän Maýa Kulyýewa adyndaky Türkmen milli konserwatoriýasynda “Bagtyýar ýaşlaryň ýürek owazy” atly bäsleşik geçirildi. Bäsleşige Lebap welaýat ýörite sungat mekdebiniň “Türkmen milli saz gurallary” bölüminde okaýan talyplary gatnaşyp, “Gyjak” hünärinden 1-nji orna Ýunusbaýewa Güldasta, “Dutar” hünärinden 2-nji orna Astanow Mergen, “Plektrli dutar” hünärinden 2-nji orna Hamraýew Nurulla mynasyp boldylar.
Geljekde türkmen medeniýetini we sungatyny ösdürjek ýaşlaryň bilim almaklary, hünär öwrenmekleri, döredijilik bilen meşgullanmaklary üçin giň mümkinçilikleri döredip berýän Arkadagly Serdarymyzyň jany sag, ömri uzak, il-ýurt bähbitli işleri mundan beýläk hem rowaç alsyn!
Lebap welaýat ýörite sungat mekdebiniň mugallymy Halbaýew D.J