Milli oýunlar boýunça ýaryşlar geçirildi
Ýakynda Kerki etrabynyň Taryhy we ülkäni öwreniş muzeýi TMÝG-niň etrap Geňeşi we Kerki etrap bilim bölümi bilen Bütindünýä saglyk güni mynasybetli etrabyň 8 ― 11-nji synp okuwçylarynyň arasynda türkmen milli oýunlarynyň «Düzzüm», «Içýanagyz», «Aşyratdy», «Gurttutdy» görnüşleri boýunça etrap birinjiligini almak ugrunda geçirilýän ýaryşyň jemleýji tapgyry geçirildi.
Ýaryşda TMÝG-niň Kerki etrap Geňeşiniň guramaçylyk bölüminiň sanly ulgam boýunça esasy hünärmeni O.Aşirowa, Kerki etrap bilim bölüminiň hünärmeni N.Astanow, Kerki etrabynyň 4-nji orta mekdebiniň bedenterbiýe mugallymy J.Hümmedow dagylar eminlik etdiler.
Ýeňiji bolan oglan-gyzlara Türkmenistanyň Magtymguly adyndaky ýaşlar guramasynyň Kerki etrap Geňeşi we etrabyň Taryhy we ülkäni öwreniş muzeýi tarapyndan hormat hatlary we ýadygärlik sowgatlary gowşuryldy.
Myratgeli Baýramow.
Kerki etrabynyň Taryhy we ülkäni öwreniş muzeýiniň ylmy işgäri.
