Lebaply türgen gylyçlaşma boýunça Türkmenistanyň birinjiliginden ýeňiş bilen dolandy
Türkmenabat şäheriniň 6-njy sport mekdebinde tälim alýan Daniýar Raýmow gylyçlaşma boýunça ýetginjekleriň we ýaşlaryň arasynda geçirilen Türkmenistanyň birinjiliginde baýrakly orunlara mynasyp boldy.
Aşgabat şäherinde geçirlen ýaryşlara Aşgabat şäherinden we Türkmenistanyň welaýatlaryndan sportuň bu görnüşi bilen meşgullanýan türgenler gatnaşdylar. Daniýar ýetginjekleriň arasynda rapira boýuna ikinji orna mynasyp boldy. Ýaşlaryň arasynda geçirilen ýaryşda bolsa gylyçlaşmanyň bu görnüşi boýunça ol hormat münberiniň iň ýokarky basgançagyna çykdy, şpaga boýunça bolsa ikinji orna mynasyp boldy.
