Lebapda 8 mekdep, bir çagalar bagy açylyp, ulanylmaga berler
Ertir ― 1-nji sentýabrda täze okuw ýyly mynasybetli Lebap welaýatynda 8 sany orta mekdebiň we bir sany çagalar bagynyň açylyp, ulanylmaga berilmegine garaşylýar.
Şeýlelikde, orta mekdepleriň sany Köýtendag etrabynda 61-e, Çärjew etrabynda 64-e, Saýatda 62-ä, Halaçda 31-e, Dänew etrabynda bolsa 45-e, tutuş welaýatda bolsa 396-a ýetdi. Täze mekdeplerde umumylykda 4950 okuwçy täze okuw ýylyna girişer. Welaýatda açylyp, ulanylmaga beriljek bilim we terbiýeçilik edaralarynyň ählisi iki gatlydyr.
