Köneürgençde telekeçiler mekdebiniň bölümçesi açyldy
Köneürgenç şäherinde Türkmenistanyň Senagatçylar we telekeçiler birleşmesiniň telekeçiler mekdebiniň bölümçesi öz işine başlady
Telekeçilik bilen gyzyklanýanlara 30 ugur boýunça bilim berjek bu bölümçede, şol sanda iňlis, nemes, hytaý, rus dilleri, fizika, himiýa, taryh dersleri çuňlaşdyrylyp öwrediler. Kompýuter sowatlylygy, buhgalteriýanyň esaslary, arhiw işini dolandyryş, gid terjimeçi hünärleri boýunça bilim alanlara önümçilikde we gaýry ugurlarda işlemäge ähli şertler döredilýär. Bu ýerde sanly ulgamyň, ösen tehnologiýanyň mümkinçiliklerinden peýdalanyp, dünýä ülňülerine laýyklykda sapaklar gurnalar.