Ders bäsleşiginiň welaýat tapgyry geçirildi
Türkmenabat şäherindäki 33-nji orta mekdebiň binýadynda «Altyn asyryň altyn zehinleri» atly ders bäsleşikleriniň welaýat tapgyry geçirildi.
Däbe öwrülen bäsleşige onuň etrap, şäher tapgyrlarynda ýeňiji bolan 10-11-nji synp okuwçylarynyň ýüzlerçesi gatnaşdy. Olar okuw maksatnamasyna girizilen dersler boýunça bäsleşip, bilimini, ukyp-başarnyklaryny görkezdiler. Bäsleşik iki günläp dowam etdi.
Aýry-aýry dersler boýunça birinji, ikinji, üçünji orunlary eýelän mekdep okuwçylary welaýat baş bilim müdirligi tarapyndan Diplomlar, gymmat bahaly sowgatlar bilen sylaglanyldy.
Şonuň ýaly-da öňdäki orunlary eýelän zehinli mekdep okuwçylary bäsleşigiň ýakyn günlerde geçiriljek döwlet tapgyryna gatnaşmaga hukuk gazandylar.
