Kerkili mugallym döredijilik bäsleşiginiň ýeňijisi boldy
Kerki etrabyndaky 30-njy orta mekdebiň mugallymy Ödegeldi Kulyýew Erkin döredijilik mekanynda Türkmenistanyň Tebigaty goramak jemgyýeti bilen «Edebiýat we sungat» gazetiniň redaksiýasynyň bilelikde yglan eden «Tebigaty söýmek — Watany söýmek» atly döredijilik bäsleşiginiň ýeňijisi boldy.
Türkmenistanyň Tebigaty goramak jemgyýetiniň döredilmeginiň 55 ýyllygy mynasybetli yglan edilen bäsleşige ýurduň dürli künjeklerinde zähmet çekýän raýatlar, şol sanda talyp ýaşlar, ýazyjy-şahyrlar, žurnalistler gatnaşdylar. Bäsleşigiň şertine görä oňa gatnaşyjylaryň proza we poeziýa eserlerinde türkmen tebigatyny belent duýgularda wasp etmegi göz öňünde tutuldy.
Döredijilik bäsleşiginiň ýeňijilerine dabarany guraýjylar tarapyndan Hormat hatlary we gymmat bahaly sowgatlar gowşuryldy.
