DIM-iň welaýat wekilhanasynda konsullyk hyzmatlary ýola goýuldy
Mundan beýläk Lebap welaýatynyň ýaşaýjylary konsullyk hyzmatlaryny hut Türkmenabat şäherinde alyp bilerler.
Türkmenistanyň Daşary işler ministrligi resmi saýtynda ministrligiň Lebap welaýatyndaky wekilhanasynda konsullyk hyzmatlarynyň amala aşyrylyp başlandygyny habar berdi.
Bu habary ministrlik resmi saýtynyň «Konsullyk işi» atly bölüminde ýerleşdirdi. Ministrlik şeýle hyzmatlaryň Türkmenistanyň ähli welaýatlarynda ýola goýlandygyny habar berdi.
Türkmenistanyň Daşary işler ministrliginiň Lebap welaýatyndaky wekilhanasynyň Görogly beg Türkmen köçesiniň 1-nji jaýynda ýerleşýändigini ýatladýarys.
