Ders bäsleşiginiň şäher tapgyry geçirildi
Türkmenabat şäherinde orta mekdepleriň ýokary synp okuwçylarynyň gatnaşmaklarynda «Altyn asyryň altyn zehinleri» atly ders bäsleşikleriniň şäher boýunça zolaklaýyn tapgyry geçirildi.
Her ýyl geçirilmegi däbe öwrülen bäsleşige zehinli okuwçylaryň ýüzlerçesi gatnaşdy. Olar orta mekdepleriň okuw maksatnamasyna girizilen dersleriň onusy boýunça bäsleşdiler. Zehinli okuwçylaryň bäsleşigiň ähli şertlerini dürs we takyk ýerine ýetirmekleri olaryň bilim-sowadynyň, taýýarlyk derejesiniň ýokarydygyndan habar berýär. Aýratyn zehinli, ukyp-başarnykly ýaşlara bäsleşikde öňe saýlanmak miýesser etdi. Bäsleşigiň zolaklaýyn tapgyrynda öňdäki orunlary eýelän okuwçylar onuň ýakyn günlerde geçiriljek şäher boýunça jemleýji tapgyryna gatnaşmaga hukuk gazandylar.
