Aýdym-sazly dabaraly maslahat geçirildi
Halkara Bitaraplyk gününe bagyşlanyp Türkmenabat şäher häkimliginde dabaraly maslahat geçirildi. Bu baýramçylyk çäräsi Türkmenistanyň Zenanlar birleşiginiň Lebap welaýat bölümi tarapyndan guraldy. «Bitarap Türkmenistan dünýäde parahatçylygyň, rowaçlygyň we jebisligiň egsilmez daýanjydyr» atly bu dabaraly maslahata welaýat merkezimizdäki edara-kärhanalaryň ilkinji zenanlar guramalarynyň işewürleri, bilim we terbiýeçilik edaralarynyň gelin-gyzlary we talyplar gatnaşdylar.
Maslahatda Türkmenistanyň Hemişelik Bitaraplygynyň ýörelgeleri, «Açyk gapylar» syýasaty dogrusynda täsirli çykyşlar edildi. Soňra dabaraly maslahatda Lebap welaýat ýörite sungat mekdebiniň talyplarynyň aýdym-sazly çykyşlary ýaňlandy.
