Aly Geldiýew halkara ýaryşyň kümüş medalyna mynasyp boldy
Türkmenabat şäherindäki 2-nji orta mekdebiň 6-njy synp okuwçysy Aly Geldiýew Türkmenistanyň ýetginjekler ýygyndysynyň hatarynda 12 ýaşa çenli ýetginjekleriň arasynda tennis boýunça geçirilen Merkezi Aziýanyň birinjiliginiň kümüş medalyna mynasyp boldy.
Aşgabatda geçirilen ýaryşda oglanlaryň arasynda altyn medaly Gazagystanyň, bürünç medaly bolsa Özbegistanyň ýygyndysy eýeledi.
Gyzlaryň arasyndaky ýaryşda türkmenistanly gyzlar bürünç medala mynasyp boldular.
Türkmenabatly türgen gazanylan ýeňşe uly goşant goşdy. Ol duşuşyklaryň ählisine gatnaşdy we möhüm ýeňişleri gazandy.
