«Altyn bürgüt» 8 aýda 819 tonna halta öndürdi
«Altyn bürgüt» hususy kärhanasynda şu ýylyň ýanwar — awgust aýlarynda polipropilenden haltalyk matalaryň 819 tonnasy öndürildi. Bu mukdar pul hasabynda bolsa 26 million 289 müň 443 manatlyga deň bolýar.
Hususy kärhanada mundan başga-da her aýda gök, miwe, bakja önümlerini salmaga niýetlenilen plastmassa gaplarynyň hem 45-50 tonna golaýy öndürilýär.
Önümçilige gerekli çig malyň aglabasy Türkmenbaşydaky nebiti gaýtadan işleýän zawodlar toplumyndan we Gyýanlydaky polimer zawodyndan alynýar.
