Agrar partiýa göreldelileri sylaglady
Türkmenistanyň Agrar partiýasynyň Türkmenabat şäher komiteti maliýe-ykdysady orta hünär okuw mekdebinde dabaraly çäre geçirdi. Oňa partiýa agzalary, welaýatyň önümçilik kärhanalarynyň işgärleri gatnaşdylar.
Çäräniň dowamynda Türkmenabadyň galla önümleri kärhanasynyň, Türkmenabat şäherindäki 1-nji çörek kärhanasynyň, Türkmenabadyň ýüpek önümçilik birleşiginiň, Türkmenabadyň pagta egriji fabriginiň ilkinji partiýa guramalarynyň ýurduň syýasy we medeni durmuşyndaky ýokary işjeňligine aýratyn hoşallyk bildirildi.
