Türkmenabatda türkiýeli sungat ussatlary çykyş etdiler
Lebap welaýatynda Türkiýe Respublikasynyň Türkmenistandaky Medeniýet günleriniň çäreleri uly ruhubelentlige beslendi.
Lebabyň Seýitnazar Seýdi adyndaky döwlet sazly-drama teatrynda bu medeni çäräniň çäklerinde dostlukly ýurduň sungat ussatlary özleriniň ajaýyp aýdym-sazlary bilen çykyş etdiler. Oňa Türkiýe Respublikasynyň köpsanly medeniýet we sungat işgärleri gatnaşdylar.
Dostlukly ýurduň meşhur estrada aýdymçylary, folklor we tans toparlary, bagşylary öz çykyşlarynda dostluk-doganlyk gatnaşyklaryny, hormatly Prezidentimiziň goldaw bermegi netijesinde uly ösüşlere eýe bolýan häzirkizaman milli medeniýetiniň ýokary derejesini wasp etdiler.
