Türkmenabadyň pamyk egriji fabriginde nah ýüplükleri öndürmekde ýokary netijeler gazanylýar
Şu ýylyň başyndan bäri döwrebap fabrikde nah ýüplükleriň 46 million manatlyga golaýy öndürilip, geçen ýylyň deňeşdirilýän döwrüne görä 113,4 göterim ösüş gazanyldy.
Fabrikde ýylyň aýagyna çenli harytlyk önümleriň 3363 tonnadan gowragyny öndürmek meýilleşdirilýär. Ýokary hilli önümleriň aglaba bölegi eksporta ugradylýar. Lebabyň nah ýüplüklerini satyn alyjylaryň arasynda Türkiýe we Russiýa döwletleriniň işewürleri bar.
