Saýatda Magtymguly Pyraga bagyşlanan dabaralar geçirilýär
Saýat etrabynda Magtymguly Pyragynyň doglan gününiň 300 ýyllyk dabaralaryny geçirmäge uly taýýarlyk görülýär.
Etrabyň ähli mekdeplerinde we edara-kärhanalarynda akyldar şahyr Magtymguly Pyragynyň doglan gününiň 300 ýyllygyna bagyşlanyp, dürli mowzukda çäreler, dabaralar, döredijilik bäsleşikleri we edebiýat agşamlary giň gerimde geçirilýär.
Ýakynda etrapdaky 12-nji orta mekdepde şahyryň doglan gününe bagyşlanyp, «Goşgularyň ýürekde, akyldar şahyr Magtymguly Pyragy!» ady bilen edebiýat agşamy geçirildi. Oňa gatnaşanlar çykyşlarynda Magtymguly Pyragynyň ömri we döredijiligi dogrusynda täsirli gürrüň berdiler.
Dabarada şahyryň goşgulary labyzly okaldy. Soňra çäre beýik akyldaryň goşgularyna döredilen aýdymlar bilen dowam etdi.
