Messä rekord mukdarda pul teklip edildi
PSŽ-niň hüjümçisi Lionel Messi «Al-Hilal»-dan ýene bir teklip aldy.
«Lequipe»-iň žurnalistleriniň habar bermegine görä, 35 ýaşly hüjümçä iki ýylda 600 million ýewro girdeji gazanjak rekord şertnama teklip edildi.
Eger Messi bu teklibi kabul etse, zähmet haky boýunça Kristiano Ronaldodan öňe geçer. 38 ýaşly portugaliýalynyň häzirki aýlygy möwsümde 200 million ýewrodan ybaratdyr.
Messiniň parižliler bilen häzirki şertnamasynyň iýun aýynyň ahyrynda gutarýandygy sebäpli, mugt Saud Arabystanyna geçip biler.
