Gyş meýdan işleri gerimli dowam edýär
Lebap welaýatynyň hojalyklarynda şüdügär sürümi her günde 2 müň gektardan gowrak meýdanda geçirilýär. Bu möhüm işde welaýat oba hojalyk önümçilik birleşiginiň kuwwatly tehnikalarynyň 160-dan gowragynyň güýjünden netijeli peýdalanylýar. Geljek ýylyň ekişi üçin welaýat boýunça ekin meýdanlarynyň 130 müň gektarynda sürüm geçirmek meýilleşdirilýär. Şu döwre çenli bu çäre 30 müň gektardan gowrak meýdanda ýerine ýetirildi. Möhüm işde Halaç etrabynyň ekerançylary öňdeligi eýeleýärler. Etrapda bu baradaky meýilnama 35 göterime golaý berjaý edildi.
