Fortepiano mugallymlarynyň okuw -usuly maslahaty
Lebap welaýatynyň Medeniýet müdirliginiň garamagyndaky çagalar sungat mekdepleriniň “ýörite fortepiano” we “umumy fortepiano” bölümleri boýunça Lebap welaýat çagalar sungat mekdebinide okuw-usuly masalahat geçirildi.
Bu okuw-usuly maslahat, welaýatymyzyň fortepiano hünäriniň mugallymlaryny birara jemledi. Fortepiano saz guralyny öwretmegiň usullary barada, öz iş tejribelerinden gyzykly maslahatlary ara alyp maslahatlaşdylar.
Çagalar sungat mekdepleriniň mugallymlary öz ýazan nutuklary bilen çykyş etdiler, açyk sapaklary görkezdiler.
“Lebap welaýat ýörite sungat mekdebiniň” we “Lebap welaýat çagalar sungat mekdebiniň” halypa mugallymlary açyk sapaklar barada öz belliklerini we tekliplerini aýtdylar. Ýaşlara bilim terbiýe bermekde döwrebap usullary ulanmak, sapaklary gyzykly geçmek, hünärine kämil derejede ýaşlary ýetişdirmek, maslahatlary berildi.
Maslahatyň ahyrynda “Lebap welaýat çagalar sungat mekdebiniň” fortepiano hünäriniň okuwçylary konsert programmasy bilen çykyş etdiler.
Lebap welaýat ýörite sungat mekdebiniň mugallymy
Rozyýewa Sona Muhammetjumaýewna.
