Çagalar baglarynyň körpeleriniň arasynda dil bäsleşigi geçirildi
Türkmenabat şäherindäki 47-nji çagalar bagynda welaýat baş bilim müdirliginiň guramagy bilen «Dil bilen dünýäni gezer» atly bäsleşigiň welaýat tapgyry geçirildi.
Ýaş nesliň dil baýlygyny ösdürmek, zehinli ýaşlary ýüze çykarmak maksady bilen geçirilen bäsleşige deslapky tapgyrlarda ýeňiji bolan körpeler gatnaşdylar. Olar iňlis, rus dillerinde özlerini tanyşdyrmakda, aýdym aýtmakda, degişme sahnasyny ýerine ýetirmekde, dostlukly halklaryň goşgularyny labyzly okamakda bäsleşdiler. Netijede, Türkmenabat şäherindäki 52-nji, Çärjew etrabyndaky 20-nji, Saýat etrabyndaky 2-nji çagalar baglarynyň körpeleri degişlilikde birinji, ikinji we üçünji orunlara mynasyp boldular.
