Täze guýy her gije-gündizde 695 müň kub metr tebigy gaz berýär
Mary welaýatynyň çäginde ýerleşýän Şerepli gaz ýatagyndan tebigy gazyň senagat täze akymy alyndy. Ol «Türkmengaz» döwlet konserniniň «Türkmengazburawlaýyş» müdirliginiň 1-nji ulanyş-baha beriş guýusyndan 2 müň 330 metr çuňlukda alyndy.
Hünärmenleriň hasaplamalaryna görä, bu guýy her gije-gündizde 695 müň kub metr tebigy gaz berer. Onuň düzüminde kükürt-wodorodyň ýokdugy täze gaz ýatagynyň önüminiň iň esasy häsiýetli aýratynlygydyr.
Meýdançanyň gazçylary bu ýerdäki ýene bir ulanyş-baha beriş guýusynda burawlaýyş işlerini geçirmegi meýilleşdirýärler.
