Maryly futbolçylar kubogyň eýesi boldular
2008-nji ýylda doglan oglanlaryň arasynda futbol boýunça Mary welaýatynyň kubogyny almak ugrunda ýaryş geçirildi. Murgap etrabynda geçirlen duşuşyklara Mary şäherinden we etraplardan toparlaryň 8-si gatnaşdy.
Bu ýaryşda Mary şäheriniň 2-nji sport mekdebiniň ýaş futbolçylary beýleki toparlardan öňe saýlanyp, 1-nji orna mynasyp boldular. Toparyň futbolçysy Ýagmyr Hojaýew garşydaşlarynyň derwezesine jemi 7 pökgi geçirmegi başardy. Ýaş futbolçysy Eziz Aşyrow özüni iň gowy goragçylaryň hatarynda tanatdy.
2-nji we 3-nji orunlary, degişlilikde, Wekilbazar hem-de Ýolöten etraplarynyň toparlary eýelediler.