Bagşy Gurbandurdy Öwezowyň 60 ýaş ýubileýi bellenildi
Welaýat medeniýet müdirliginiň guramagynda Türkmenabat şäher medeniýet öýünde Türkmenistanyň halk bagşysy, welaýat ýörite sungat mekdebiniň mugallymy Gurbandurdy Öwezowyň 60 ýaş ýubileýi mynasybetli aýdym-sazly dabara geçirildi.
Oňa welaýatyň görnükli sungat ussatlary, welaýat ýörite sungat mekdebiniň mugallymlary we talyplary gatnaşdylar.
Dabara Türkmenistanyň halk artisti Bäşim Berdiýewiň gutlag sözi bilen açyldy. Soňra mekdebiň dutarçy bagşylarynyň ýerine ýetirmeklerinde aýdym-sazlar joşgunly heňde ýaňlandy.
