Kerkide Arkadag şäherine bagyşlanan dabara geçirildi
Türkmenistanyň Gyzyl Ýarymaý Milli jemgyýetiniň welaýat bölüminiň Kerki etrap şahamçasynyň guramagynda etrabyň “Berk” ýaşlar merkezinde “Arkadag şäheri – geljegiň şäheri” diýen at bilen okuw sapagy geçirildi. Etrapdaky 1-nji orta mekdebiň meýletinçileriniň gatnaşmaklarynda guralan okuw sapagynda çykyş edenler Arkadag şäherinde gurlup, ulanylmaga berlen bilim we terbiýeçilik, saglygy goraýyş edaralarynda ýaş nesilleriň dünýä derejesinde bilim almaklary, beden, ruhy taýdan sagdyn bolmaklary üçin ähli şertleriň döredilendigini we bu şäheriň ekologik we binagärlik aýratynlyklaryna dünýä jemgyýetçiligi tarapyndan ýokary baha berilýändigini aýratyn nygtadylar.
Meýletinçileriň aýdym-sazly çykyşlary, ýerine ýetiren gysgajyk sahnalary, labyzly okan goşgulary çärä aýratyn öwüşgin çaýdy.
