Ylymly ýaşlar—kämilligiň ýolunda
Ýaşlaryň ylym-bilim almaklary, saýlap alan hünärleriniň eýeleri bolup, Watanymyzyň has-da gülläp ösmegine mynasyp goşant goşmaklary üçin ähli şert-mümkinçilikleriň döredilýän zamanasy bolan Berkarar döwletiň täze eýýamynyň Galkynyşy döwründe ýurdumyzyň ösüşiniň ylym, bilim ulgamy bilen baglanyşdyrylmagy örän buýsandyrýar.
Häzirki wagtda bilim ulgamynda amala aşyrylýan özgertmelerde mugallymlaryň hünär ussatlygyny artdyrmaga, şeýle hem olaryň iş usullaryny kämilleşdirmäge aýratyn ähmiýet berilýär. Ýurdumyzda ýaş nesliň bilimli, edep-terbiýeli, watansöýüji ýaşlar bolup ýetişmegi ugrunda mugallymlaryň iş tejribesi döwrüň talabyna laýyklykda kämilleşdirilýär.
Hormatly Prezidentimiz Serdar Berdimuhamedowyň paýhasly alyp barýan bilim özgertmeleriniň esasynda türkmen ýaşlary häzirki wagtda döwrebap bilim we kämil terbiýe alýarlar. Ýaşlaryň alýan bilim-terbiýesi olaryň gözýetimini giňeltmäge, bilim derejesini ýokarlandyrmaga, bilim edaralaryndaky okuw-terbiýeçilik işini kämilleşdirmäge, watançylyk duýgusyny ýokarlandyrmaga, ata Watanyň mundan beýläk-de gülläp ösmegine mynasyp goşant goşmaga mümkinçilik berýär.
Halkymyzyň geçmişini bilýän, döwletimiziň bu günki ýeten belentliklerine guwanýan, buýsanýan, ylymly-bilimli, berkarar Watanymyzy has-da beýgeltmäge ukyply hakyky watansöýüji nesilleri ýetişdirmek biziň baş maksadymyz bolup durýar.
Hormatly Prezidentimiziň alyp barýan ýaşlar baradaky syýasatynda mugallymlaryň hem üstüne uly borç ýüklenýär. Biz mugallymlar hem ýaş nesliň ahlak taýdan arassa, kämil terbiýeli, ylymly, bilimli bolmagy üçin öz gujur-gaýratyny gaýgyrmaly däldir. Şoňa jogap edip, biz bilim işgärleri ýaş nesliň Watanymyza, Hormatly Prezidentimize wepaly bolup ýetişmegi hem-de dünýä ülňülerine laýyk bilim almagy üçin ähli şertleri döredýän Gahryman Arkadagymyza çäksiz sag bolsun aýdýarys! Goý, halkyny bagtly geljege alyp barýan türkmen halkynyň Milli Lideriniň hem-de Arkadagly Gahryman Serdarymyzyň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Muradowa Rejepgül
Çärjew etrabynyň 19-njy orta mekdebiniň başlangyç synp mugallymy
