Ylym ýurduň kuwwaty.
Berkarar döwletimiziň täze eýýamynyň Galkynyşy döwründe bedew bady bilen öňe barýan Garaşsyz hemişelik baky Bitarap Türkmenistan döwletimizde her ýylyň iýun aýynyň 12-si milli senenamamyzda Ylymlar güni hökmünde orun aldy. Merdana, agzybir halkymyz indi ençeme ýyllardan bäri Ylymlar gününi giňden dabaraly ýagdaýda belleýär. Ylymlar güni mynasybetli birnäçe iri möçberli çäreler, ylmy bäsleşikler, halkara ylmy-amaly maslahatlar şeýle-hem, dabaraly baýramçylyk konsertleri belent ruhy joşguna, şatlyk-şowhuna eýe bolýar. Bu ylmy maslahatlaryň, ylmy bäsleşikleriň giňden geçirilmeginiň esasy maksady ösüp gelýän ýaş nesilleriň ylmy öwrenmegi, döretmegi, ylmy işleri bilen meşgullanmaklary, täze-täze açyşlary etmekleri üçin örän ähmiýetli bolup durýar.
Ylym we bilim islendik döwletiň hem-de jemgyýetiň ösüşiniň, şol sanda Watanymyzyň ykdysady, ylym-bilim mümkinçilikleriniň toplumlaýyn pugtalandyrmagyň kuwwatly özgerdiji güýji, binýadydyr.
Hormatly Prezidentimiz Serdar Berdimuhamedowyň alyp barýan döwlet gurluşy strategiýasynda ýurdumyzyň ykdysadyýetini innowasion taýdan ösdürmäge, kämilleşdirmäge we sanly ulgama geçirmäge hem-de netijeli inženerçilik çözgütlerine daýanmaga uly orun berilýändir. Watanymyzda ylym, bilim ulgamlaryny ösdürmeklik üçin geçirilýän ylmy bäsleşikleriň ähmiýeti uludyr. Ýurdumyzyň alymlarynyň ylmy gazananlaryny we halkara hyzmatdaşlygyny pugtalandyrmak ugrunda, türkmen halkynyň gadymdan gelýän maddy we ruhy gymmatlyklaryny öwrenip dünýäniň ýüzüne çykarmak, nesilden-nesle geçip gelýän milli däp-dessurlarymyz, medeni şeýle-de ruhy gymmatlyklarymyz esasynda jemgyýetimizi ösdürmek, kämilleşdirmek ugrunda döwlet derejesinde birnäçe saldamly işler alnyp barylýar.
Ýaş nesilleriň ýokary derejede bilim almaklary, saýlap alan hünäriniň, käriniň eýeleri bolmaklary, watançylygyň hem-de ynasanperwerligiň belent ruhunda terbiýelenmekleri üçin giň mümkinçilikleri döredip berýän Gahryman Arkadagymyza Arkadagly Gahryman Serdarymyza talyp ýüregimizden çäksiz minnetdarlygymyzy aýdýarys.
Ähli türkmen halkyny, Gahryman Arkadagymyzy Arkadagly Gahryman Serdarymyzy, ylym ojaklarynyň talyplaryny we bu ugurda zähmet çekýän işgärlerini Ylymlar güni bilen gutlaýarys!
Seýitnazar Seýdi adyndaky Türkmen döwlet mugallymçylyk Institutynyň “Pedagogika” fakultetiniň
1-nji ýyl talyby Kulyýew Mekan
