Ýewropa çempionatynyň Londondan Budapeşte geçiriljekdigi baradaky habar ýalan bolup çykdy
Ýewropa futbol assosiýasiýalarynyň bileleşigi (UEFA) Ýewropa çempionatynyň final duşuşygynyň Londondan Budapeşte geçiriljekdigi baradaky habary ýalana çykardy. Bu barada UEFA-nyň metbugat gullugyna salgylanmak bilen, «ТАСС» ýazýar.
Anna güni «Times» britan neşiri Londonyň hökümetiniň 2,5 müň töweregi resmi adamlary hökmany karantin geçmezden final duşuşyga goýberip bilmedik ýagdaýynda UEFA-nyň oýny Londondan Budapeşte geçirmegiň meselesine seredýändigi barada habar beripdi.
Oýunlaryň soňky hepdesinde Londonda iki ýarym final (6-njy we 7-nji iýulda) we final (11-nji iýulda) duşuşyklar geçiriler.
