Ýerli önüme isleg uly
Lebap welaýatynyň Farap etrabynyň çägindäki «Nesil geljegi» hususy kärhanasynda öndürilýän keramiki kerpiçlere isleg ýylsaýyn artýar. Bu hakykaty ýokary hilli keramiki önümleri öndürýän bu kärhanada önümçilik depgininiň barha ýokarlanmagy bilen hem delillendirmek mümkin. Kärhananyň önümleri berkligi, çeýeligi, hili bilen tapawutlanýar. Keramiki kerpijiň uzynlygy 250 millimetre, galyňlygy 65 millimetre, ini 120 millimetre deňdir. Önümçiligiň esasy çig maly hökmünde ýerli toýun palçygy ulanylýar.
Keramiki kerpiçler ýaşaýyş jaýlarynyň, durmuş desgalarynyň, önümçilik binalarynyň gurluşygynda giňden ulanylýar.
